- హైదరాబాద్ లోని రెండు హాస్పిటళ్లలో భారీగా నిల్వలు
- ఎన్డీపీఎస్ యాక్ట్ కింద కేసుల నమోదు
హైదరాబాద్ సిటీ, వెలుగు : చాంద్రాయణగుట్ట బకోబన్ హాస్పిటల్, వారాసిగూడ బౌద్ధనగర్ లోని బీవీకే రెడ్డి దవాఖానల్లో ఎక్సైజ్, డ్రగ్ కంట్రోల్ (డీసీఏ) అధికారులు సంయుక్త దాడులు నిర్వహించారు. బకోబన్ హాస్పిటల్ లో 47, బీవీకే రెడ్డి దవాఖానలో 21 ఫెంటానిల్ ఇంజెక్షన్లు, 9 కేటామైన్, 2 మిడాజోలం ఇంజెక్షన్లతో సహా నార్కోటిక్ డ్రగ్స్, సైకోట్రోపిక్ పదార్థాల భారీ నిల్వలను గుర్తించారు. రెండు హాస్పిటళ్లపై ఎన్డీపీఎస్ యాక్ట్ కింద చార్మినార్, ముషీరాబాద్ ఎక్సైజ్ పోలీస్ స్టేషన్లలో కేసులు నమోదు చేశారు. కేసు విచారణ కొనసాగుతుందని, విచారణ అనంతరం చర్యలు తీసుకుంటామని అధికారులు తెలిపారు. ఈ ఆపరేషన్ లో చార్మినార్, సికింద్రాబాద్ డ్రగ్, ఎక్సైజ్ సీఐలు లక్ష్మీ, గోవింద్సింగ్, శ్రీనివాసరావు, రామకృష్ణ, ఎస్ఐలు శ్వేతా కుమారి, ప్రసన్న రెడ్డి, నాగలక్ష్మి తదితరులు పాల్గొన్నారు.
